ບໍລິສັດຜະລິດລູກສອນໄຟເອີຣົບ ຈະຕິດຕັ້ງລູກສອນໄຟໂຈມຕີ
ຈາກອາກາດສູ່ອາກາດ ໃສ່ເຮລີກົບແຕ ສ ເກົາຫຼີ
ອີງຕາມເວັບໄຊ້ asianmilitaryreview.com ໃຫ້ຮູ້ວັນທີ 27 ຕຸລາ 2023 ນີ້ວ່າ, ບໍລິສັດຜູ້ຜະລິດ ແລະ ພັດທະນາລູກສອນໄຟຊາດ
ປະສົມຂອງເອີຣົບ (MBDA) ຈະຕິດຕັ້ງລະບົບລູກສອນໄຟໂຈມຕີທາງອາກາດສູ່ອາກາດ Mistral (Mistral ATAM) ໃສ່ເຮືອບິນເຮລີກົບ
ແຕ ຂອງກອງກຳລັງປ້ອງກັນນ່ານນ້ຳທະເລ ສ.ເກົາຫຼີ.
ທ່ານ ເອຣິກ ເບເຣນເຈີ ຜູ້ບໍລິຫານລະດັບສູງຂອງບໍລິສັດຜະລິດ ແລະ ພັດທະນາລູກສອນໄຟ ຊາດປະສົມເອີຣົບ ໄດ້ກ່າວໃນງານວາງສະ
ແດງອຸປະກອນ ການບິນອະວະກາດປະຈຳປີ 2023 ທີ່ຈັດຂຶ້ນຢູ່ນະຄອນຫຼວງ ເຊອຸນ ຂອງ ສ.ເກົາຫຼີ ເມື່ອວັນທີ 17 ຕຸລາ ທີ່ຜ່ານມາວ່າ: ຕົນ
ມີຄວາມພູມໃຈຫຼາຍທີ່ຈະໄດ້ເປັນຄູ່ຮ່ວມມືກັນອີກເທື່ອໜຶ່ງກັບບໍລິສັດອຸດສາຫະກຳການບິນອະວະກາດ ສ.ເກົາຫຼີ ເພື່ອປະກອບອາວຸດໃສ່ເຮືອ
ບິນສູ້ຮົບທາງການທະຫານຂອງ ສ.ເກົາຫຼີ.
ອີງຕາມຂໍ້ມູນຈາກບໍລິສັດ ຜະລິດ ແລະ ພັດທະນາລູກສອນໄຟຊາດປະສົມຂອງເອີຣົບ ໃຫ້ຮູ້ວ່າ: ລູກສອນໄຟໂຈມຕີຈາກ ອາກາດສູ່ອາ
ກາດ Mistral ເປັນລູກສອນໄຟປ້ອງກັນອາກາດໄລຍະໃກ້ທີ່ມີລັກສະນະຮູບແບບ ການໂຈມຕີຍິງດັບສູນເປົ້າໝາຍ, ທຳລາຍລ້າງສູງ ແລະ ງ່າຍ
ໃນການໃຊ້ງານ. ລູກສອນໄຟດັ່ງກ່າວສາມາດຍິງໃນລະດັບຄວາມສູງຢູ່ທີ່ 4.500 ກວ່າກິໂລແມັດ. ເຮລີກົບແຕ ແຕ່ລະລຳຈະປະກອບມີຖານ
ຍິງລູກສອນໄຟຈຳນວນ 2 ຖານ, ແຕ່ລະຖານມີລູກສອນໄຟ 2 ລູກ.
ແຫຼ່ງທີ່ມາ: ໜັງສືພິມກອງທັບ
ວັນທີ 13/11/2023